شعر شعبي عراقي من تكتب شعر بس احجي وجدان

من تكتب شعر خل عاطفة ووجدان
مو تنطي الكلام وتمشي مكلوبه
لان حجي الذهب ميثمنه الميزان
مجيول بنيوتن كلمة مجذوبة
وتعلم من تشوف الشخص فنان
بينله المشاعر تبقى مهيوبة
ترة بعمر القلم ميحب الاوراق
لكن بالكتابة تصير محبوبة
شخص مر بية مرة وكال بردان
ميفكر بعقلة وظاهرة عيوبة
لابس سترة صوف وقاط وحزام
ومخربط رباطه وطالعة جيوبه
كلتله انطيك فكرة وانت مرتاح
خل ايدك بجيبك تحصل اعجوبة
تحس جسمك دفه وهالعقل بردان
ما تعرف الذوق وما تدك بوبه
سمعته النفسه يحجي يكول فرحان
هذا اللي لكيته الرائع اسلوبه
علمني الوفه وترتيب الاشياء
وشلون الشخص من يمسح ذنوبه
تعلمت الحكم من لبس الهدوم
وشلون اني ادفي الجسم بدروبه
يا ناس الشعر موبس فقط ابيات
اداب وخلق واشياء مرغوبة
انا محمد المرسل كاتب ابداع
خاطر توصل الكم حاجة مطلوبة
ولكن عدنه ناس عيون حساد
تصوب چن شهيد وتكتله حروبه
لاتحسد مواهب تسعد الناس
ولا تصبح خبيث الدنيا محسوبة
عسى عيون الحسد ما تحضر افراح
بسهام الشعر تلكاهة مضروبة
[img][/img]