شعرعراقي شعبي حزين

تانيتك عمر يمك ردت ارتاح
لكيتك واحه ميته ترابتك تذري
تانيتك تجبره لخاطري المكسور
جبرته بدمع بس ماجبر كسري
ليش تغيضني وأحجي الحجي المضموم
وتكول الناس عني مسودن يهذري

أذا تدري بعذابي وتدري اللي صار
لا تسأل عليه شباقي من صبري


خلصت العمر مابين جويه واه
ومكالب بروحي وناركم حدري
ستوني الحزن مو كافي طفي النار
تبخر ماي صبري ونزرف جدري
يالرايد حجينه يضل جزر للدوم
وانت المد يفيدك ينمحي المقري
لان انت جرف وانه عليك الماي
اطلع عيوب جرفك لو كثر جزري
حاصرني الوكت وجروحي مسمومات
لا انت رحمتني ولا رحم دهري
تحزم جرح بيه وراد ياخذ ثار
التفت شاف الخناجر تطعن بظهري
التفت شاف الخناجر تطعن بظهري

تذكر من بجيت كبالي كتلك لا ........ذب همك علي اخاف الهم يغير روحك الترفه
شمسح من ذنوبك كلي حتى ارتاح ...........انترس كلبي بهمومك ياهو الينظفه

جنت ظالم وياي لحد ظلم فرعون..................... بس تتظاهر انت بطيبه وبعفه
حافي عالجمر جنت امشي وياك .........................وياهو عالجمر للغير يتحفه

وتريد انسى الي صار واضحك وياك ..................وحسابي الطويل وياك مايصفه
اذا اضحك جذب بس داخلي هموم ................ومن احجي العليه تكوم تتشفه

اكو غيري اليسعدك كافي مو مليت .............جندوب على ظيمه الكلب يتخفه
بجيت شكد عليك وحملتني هموم ...............جود الصبر بيدي وسهمك يزرفه

هسه بياوجه نتكابل اني وياك .........................وكل الي جرالي كلي ماكفه

علي الشامي الخاقاني
منذ 55 دقائق
اريد اكشف المضموم وكل الضيم البصدري
اريد افضح اوراقك وكل الناس خل تدري
اريد اسأل حبيب الروح ليش تزيدلي قهري
حركتي يا أعز انسان ومراري منك وتدري
تريد تزيدلي جروحي ودمع عيوني ظل يجري

دمع عيوني ظل يجري على حبيبي الخلة بية
بعد حبي وتعذيبي تالي يصيح شعلية
حبك والمشاعر وين لو بس بالحجي هية
شلون تريد تتبرة ما عندك وفة لية

ما عندك وفة لية يا ظالم تبجيني
خليت الدمع من دم ينزل ما رحم عيني
ضاع وياك كل عمري وأحلى أيامي وسنيني
كل حجيك طلع أوهام بمراري وضيمي خليني

بمراري وضيمي خليني لتحاول ترد ثاني
لتتصور أصدك بيك جرحك بية أذاني
وآني عرفت نفسيتك يلي أنطيتك حناني
تحب نفسك وبس انتة لا متحب شخص ثاني

طبع بيك الانانية وما تهتم على هجري



الديوان الثاني


علي الشامي الخاقاني
منذ ‏18‏ ساعة
اسمحلي بيك اكسب اجر

واتغزل

وكلشي بثوابه

تريد اجيلك ؟لو تجيني؟

لو يسافرلك حلم

شوكي ويناغيلك

نيابه؟؟

لو تريد الواقع

ايصفك ابخط الانتظار

والسره معاند وقاضيه يغار

بقائمة باجر وعكبه

بسند من برد الرتابه

وحته اشوفك

لازم الشارع يحلل

ابنبضي اصوغ اسمك ابعنوان القصيده

وما يصدر حكمه بعدامي

ويصادرلي الكتابه

وجيب ليل

وهاك اخذ مني عتابه

انه لوعني زماني

ماصحت فد يوم يابه

ويابه --يابه

كله تتطوطح وثمله

ومانظر واشي ابغرابه

وانه يشهدلي الجرح

يمضي عله وعيي

مساهر وسكران شمعي

الحانه بس ماعتبتها

اتعمدت بنهار دمعي

الما كطعها الجار

لو حطلها سد

لجن نزوه بنفس

كلمن سجله النادم

مقيم

ابحفله مامعلوم

للوادم سببها

وفوك كل عالم عليم

او فوك كل واهم

خيال

ايعاونه من الهم يهيم

وانه وسوسلي الهوه

وبس احلمت

صارت مواويل وربابه

تريد اغافل كاس صبري؟

واكسر اللوم وعذابه

بحر بيني وبينك ومليون غابه

اتمنه اكلك كلشي عني

قابل ابنار الصبابه

روحي دمعه بعين مله

تمثل العبرات حرفه

وتنتحل حزن الاجير

اليتقن دوره ويجامل

دمعة عيون الرقابه

وجييييييييييييييييييييييب

ليييييييييييييييييييييييل

وهاك اخذ مني عتابه

تحيـــــــــــــــــــــــــاتي



الديوان الثالث


علي الشامي الخاقاني
منذ ‏18‏ ساعة
جارحني وانت اغلى الناس
ودموع الحزن بعيوني تحجيلك..

وبنصاف الليالي من يمر طاريك
مثل ام البنية بهيده الوليلك..

شما اسوي احس مقصر وياك
شنطيلك بعد حاجيني شنطيلك...

اذا روحي وحياتي وفكري كلة وياك
واذا ردت ابجي اطلب عين وابجيلك...

لان يمك عيوني وبيهن انت تنام
وفخر للعين لمن تغفة وتشيلك...

كل هذا وسهم جرحك سكن بحشاي
اخذ كلبي واسألة وهو يحجيلك...
اخذ كلبي واسألة وهو يحجيلك...



الديوان الرابع



علي الشامي الخاقاني
منذ ‏18‏ ساعة
شما اقرب عليك ..
اتزيد حسراتك ...
اذا خايف احرجك ..
گلي ليش اتخاف ... ؟
ماريد آنه اصبح ..
سبب مأساتك ..
احسب للطريق ، وشوف دربك زين ..
بس آنه اعتقد ..
حاسب حساباتك ..
مرات اني اشوفك ..
قمه بالاشواگ ..
ومرات احس گلبك ..
عكس نظراتك ..!!
اشوفك ترف ، واطمع ع الترافه البيك
اجيك .. وتنگلب قاسي بعلاقاتك
يـ ( حبيبي) بالكرم ..
واكثر بعد للناس ..
بس وياي .. تبخل
ليش ساعاتك
تلعب على اجروحي ..
وتضحك ومرتاح ..
وأنا ابطيبة گلب ..
احمل جراحاتك ..
واضح ويه غيري ..
وغامض انت وياي ..
اتمنى اني غيري .. واحوي ضحكاتك
بس راح اني اعوفك ..
وانشغل بالروح ..
وما تلگي من يمسح غيري دمعاتك




الديوان الخامس




علي الشامي الخاقاني
منذ ‏18‏ ساعة
بصدرج شفت اسمي بذهب مكتوب
حضنتج والكلب حصل مرادة
بس الي سباني وحول عيني بساع
شفت اشياء احلة بصف الكلادة
بعدها اني اعترف مادريت شصار
كلبي وكف فجئة وكشي مافادة
مثلج ماشفت بهذا كلة الكون
وغيرج رادني بس كلبي مارادة
اسمعيني انة احذرج يابعد هالروح
خوفج من جمالج كومة حسادة
انة اول بشر يحسد جمال البيج
وانة احلم اصير الراسج وسادة
اريد انطيج كلبي وكلبي فرحان
لان كد مايحبج كلبي كارهني
ياطول النهر ياأجمل انسان
يلحجولج مثل مجنون خلني
سميتج محبه وعاطفة واحساس
وانة اعرف بعد بيج اضعاف ذني

علي الشامي الخاقاني
منذ ‏18‏ ساعة
مثل الليل شعرج وانه نايم بي
وياعطر الورد مايوصل لعطرة
كل خصله لبشعرج بيهة اثر بوسات
وكل بوسة اعلة شعرج بيهة اذب حسرة
شكول اعلى الوجه وخدودة تفاحات
تطلع روحي وجهج من اذكرة
وجهج كمر يضوي والعيون نجوم
ياهو الشاف عينج مافكد نضرة
الحواجب والرموش وشرد اوصف بيج
من شفتج نسيت اليمنة واليسرة
شفافج من ضكتهة الطعم مدري شجان
مافرقت بستج لو كلت تمرة
عطر انفاسج انتي اطيب عطر بالكون
دخيل عيونج انة وشفتج الحمرة
شحجي اعلى الوجه انة وشكول عليه
ربج خالقج سبحانة بالقدرة